Monday, December 08, 2003

Ég skil ekki ennþá af hverju Helgi mun halda áfram í Idol! Bara hreinlega skil það ekki....

Hárgreiðslustofur

Það eru til ýmsar leiðir til að láta klippa sig, en því fylgja allskonar social-economic-status pælingar.
Status röðin er svona (frá best til verst):

A Hárgreiðslustofur í miðbænum
B Hárgreiðslustofur við verslunargötur
C Hárgreiðslustofur í litlum verslunarmiðstöðvum í úthverfum
D Hárgreiðslustofur í bílskúrum o.sv.l.
E Klipping heima hjá manni

Ég hef notað mestallan skalann. Ég fór td. til Villa Þórs í Ármúla þegar ég var lítill (Flokkur B), en þegar táningsaldurinn kom, fór ég á Rakarastofu Gríms í Grímsbæ (Flokkur C). Svo fór ég á flottar stofur á borð við Mojo og Jóa og félaga, þar sem er openly-gay staff, spiluð tónlist á borð við Air og St. Germain, manni boðið upp á kaffi og höfuðnudd... og alveg rándýrt (Flokkur A). Síðan komst ég að því að ég gat fengið nákvæmlega eins klippingu heima hjá mér (Flokkur E). En svo kom að því að heimaklipparanum fannst þetta ekkert sérstaklega skemmtilegt og dálítið tímafrekt, svo að ég er kominn á hárgreiðslustofu, með hryllilegu nafni, PERMA. Hún er á Eiðistorgi og er með svona early 80´s innréttingum, semsagt Flokkur C. Ætli ég verði ekki í þeim flokki þangað til að heimastofan opni aftur, eða þangað til ég tími að eyða hellingspening í flottu hárgreiðslustofurnar í flokki A...

Jólalög
Hvernig stendur á því að það eru gerð svona mörg krappí jólalög á Íslandi? Ég meina það eru tekin erlend jólalög, og þeim snarað á íslensku, svo eru tekin erlend lög - þurfa ekki endilega að vera jólalög, (t.d. man ég eftir lagi með Cat Stevens sem var alltíeinu orðið að íslensku jólalagi) og svo loks eru frumsamin íslensk jólalög sem er það mesta krapp sem maður veit um... Það liggur við að hvaða band sem er (les - miðaldra kall með skemmtara í bílskúrnum sem finnst gaman að syngja með frænda sínum) geti gert jólalög, og fengið það í spilun í útvarpi!!! Hvaða rugl er það? Svo eru flest poppböndin farin að gera jólalög líka. Getur verið að eina ástæðan sé sú að öll jólalög eru ofspiluð í 2 mánuði m.a. á sérstakri jólaútvarpsstöð, og að böndin fái STEF gjöld út á þau? Hvað segir Skífustarfsmaðurinn?

This page is powered by Blogger. Isn't yours?